الغيره تقول شي عنك
الغيرة تقول شي عنك، اسمعها بصدق
الغيرة مو شعور "سيئ"، ولا دليل إنك إنسان ناقص أو ضعيف، بالعكس… الغيرة جرس داخلي، ينبهك إن في شي بداخلك مهم… بس أنت مو قاعد تنتبه له.
لما تغارين من وحدة عندها ثقة بنفسها، اسألي نفسك:
ليش غرت؟
هل لأنك تتمنين تكونين مثلها؟ طيب، وش يمنعك؟
هل لأنك شايفة إنها تقدر تقول "لا" وانتي ما تدرين كيف؟
يمكن الغيرة هنا قاعدة تقول: "أنا أنسى نفسي كثير، وأبغى أتعلم أثبت نفسي."
الغريب؟ الغيرة ما تكذب.
كل غيرة تمر فيك، تقول:
في شي تبينه.
في شي مهمل منك لنفسك.
في شي تعتقدين إنه بعيد عنك… لكنه مو مستحيل.
بدال ما تغضبين من الغيرة، اجلسي معاها.
اكتبي:
أنا أغار لما أشوف فلانة لأنها…
الشي اللي أتمنى أملكه زيها هو…
وش يمنعني أبدأ أشتغل على هالشي؟
يمكن تغارين من شخص ناجح لأنه يعكس لك فشل مؤقت أنت عايشته. أو من وحدة جذابة لأنك قسيت على نفسك كثير، ونسيت تهتمي بنفسك. أو من وحدة مرتاحة لأنها تعلمت تقول "أنا أول"… بينما أنت لسه تحاولين ترضين الكل.
كل غيرة هي بوابة لفهم نفسك أكثر.
هي مو عن "الناس"، هي عنك.
عن رغبة مكبوتة، أو شعور ناقص، أو هدف نسيتِ تسعين له.
بدال ما تقولين: "ليش هي مو أنا؟"،
قولي: "وش تبغى الغيرة تعلّمني عني؟"
